Në sport ka garues të shumtë, por vetëm pak prej tyre arrijnë të dallohen vazhdimisht me rezultate të jashtëzakonshme. Njëri prej tyre është notari i ri Dionis Krasniqi, i cili po vazhdon të shkëlqejë në çdo garë ku merr pjesë.
Klubi i Notit Besa nga Malisheva e ka vlerësuar lart paraqitjen e talentit të ri, duke theksuar se Dionisi po dëshmon se suksesi nuk është rastësi, por rezultat i punës, përkushtimit dhe disiplinës së vazhdueshme.
Sipas klubit, sa herë që Dionis Krasniqi futet në pishinë, ai shndërrohet në një pretendent serioz për podium, duke u kthyer shpesh në shtëpi me medalje dhe rezultate që flasin vetë. Performancat e tij kanë tërhequr vëmendjen e komunitetit sportiv dhe po e pozicionojnë atë si një nga shpresat më të mëdha të notit në vend.
“Dionisi premton shumë dhe po e vërteton këtë në çdo garë ku merr pjesë. E ardhmja e notit mban vulën e tij”, thuhet në vlerësimin e Klubit të Notit Besa.
Me talentin, vullnetin dhe rezultatet që po regjistron, Dionis Krasniqi po ndërton një emër që pritet të dëgjohet edhe më shumë në vitet e ardhshme, duke u shndërruar në një prej sportistëve më premtues të gjeneratës së re.Dionis Krasniqi, talenti që po lë gjurmë në notin kosovar.
