Një nga simbolet më të dallueshme të Michael Jackson, doreza legjendare e bardhë, nuk ishte vetëm një aksesor mode, por kishte edhe një kuptim më të thellë personal.
Ndërsa Mbreti i Popit është rikthyer në qendër të vëmendjes së medias për një seri të re dokumentarësh dhe një film biografik që do të dalë së shpejti, historia e dorezës së tij zbulon një betejë të fshehur prej kohësh me sëmundjen, transmeton Indeksonline.
Jackson luftoi me vitiligon, një sëmundje të lëkurës që shkakton humbjen e pigmentit dhe shfaqjen e njollave të bardha në lëkurë, gjatë gjithë jetës së tij.
Simptomat u shfaqën për herë të parë në dorën e tij, duke e shtyrë të gjente një mënyrë për t’i mbuluar ato. Ai e gjeti zgjidhjen në një dorezë të bardhë vezulluese, e cila është bërë një element kryesor i shfaqjeve të tij skenike që nga viti 1983 dhe një nga aksesorët më ikonikë të modës në historinë e muzikës.
Aktorja Cicely Tyson, e cila ndërroi jetë në vitin 2021, zbuloi historinë e vërtetë që fshihet pas kësaj historie. Tyson kishte të njëjtin stilist me Jacksonin dhe kujtoi krijimin e dorezës. Ajo vetë mbajti një të tillë në nder të tij në shërbimin përkujtimor të këngëtarit.
“Papritmas dizajnerja më tha: ‘Po e bëj këtë dorezë për Michaelin’. Michaelit i kishte filluar t’i zhvillohej vitiligo dhe kjo sëmundje iu shfaq në dorë”, tha ajo. “Doreza shërbeu si kamuflazh. Kështu ndodhi.”/Indeksonline/
