Në fshatin Glaviqicë të Pejës, një punëtor ka humbur jetën në vendin e punës. Viktima është një mashkull i lindur në vitin 1978 (48 vjeç).
Në vendin e ngjarjes kanë dalë njësitet relevante të Policisë së Kosovës, Inspektorati i Punës dhe prokurori i shtetit nga Departamenti i Krimeve të Rënda, të cilët po hetojnë rastin.
Zëdhënësi i Prokurorisë Themelore në Pejë Shkodran Nikçi ka ndarë detajet në emisionin “Kosova Live” direkt nga vendi i ngjarjes the ka thënë se:
“Aktualisht jemi në fazën fillestare të hetimeve. Janë duke u ndërmarrë të gjitha veprimet e nevojshme hetimore për të sqaruar rrethanat e këtij rasti.”
Tutje Nikçi shtoj se “Sipas dyshimeve fillestare, viktima ishte duke punuar me makineri, konkretisht duke i lyer ato, kur ka pësuar lëndime të rënda. Ai është dërguar në Spitalin Rajonal të Pejës, por nuk ka arritur t’u mbijetojë plagëve.”
“Po grumbullojmë prova që do të shërbejnë për procedurat e mëtejme dhe eventualisht për inicimin e një rasti penal ndaj personave përgjegjës,” thuhet tutje nga Prokuroria.
Ndërkohë, autoritetet kanë bërë të ditur se hetimet janë duke vazhduar dhe ende nuk janë përcaktuar saktë shkaqet e vdekjes.
