Si pjesë e angazhimit për komunitetin, edhe këtë vit u realizua dorëzimi i çekut në vlerë prej 6,553.00€ nga Meridian Express për SOS Fshatrat e Fëmijëve, falë kontributit të klientëve tanë.
Ky donacion është rezultat i kampanjës tradicionale “Barazo Faturën”, e cila zhvillohet çdo vit gjatë muajit të Ramazanit. Përmes kësaj nisme, klientët kanë mundësinë që gjatë blerjeve të tyre të japin një kontribut simbolik, duke e kthyer çdo vizitë në dyqan në një veprim me ndikim për komunitetin. Për disa vite me radhë, kjo iniciativë ka krijuar një lidhje të fortë mes klientëve dhe iniciativave të tilla sociale, duke dëshmuar përkushtimin e përbashkët për të mbështetur familjet dhe fëmijët në nevojë.
“Kontributi i klientëve tanë është kyç për realizimin e iniciativave të tilla. U jemi mirënjohës për besimin dhe mbështetjen e vazhdueshme” u shpreh Agon Gashi – CEO i Meridian Express.
Ndërsa nga SOS Fshatrat e Fëmijëve u theksua rëndësia e këtij bashkëpunimi: “Mbështetja e vazhdueshme nga Meridian Express dhe klientët e saj ndikon drejtpërdrejt në përmirësimin e jetës së fëmijëve që janë pjesë e jona” u shpreh Albana Zogu – Përgjegjëse për mbledhjen e fondeve në Sos Fshat.
Meridian Express mbetet i përkushtuar në zhvillimin e iniciativave që krijojnë ndikim pozitiv dhe kontribuojnë në një komunitet më të qëndrueshëm.
