Ambasadori i Shteteve të Bashkuara në NATO, Matthew Whitaker, ka vlerësuar rolin e “Iowa National Guard” në sigurinë e Kosovës.
Përmes një postimi në “X”, pas vizitës në Kosovë, Whitaker theksoi se që nga viti 2011, Garda Kombëtare e Iowas ka qenë “shtylla kryesore” e sigurisë në vend.
Ai shtoi se partneriteti i “Whole of Iowa” përfaqëson një model të klasit botëror.
Në këtë kontekst, ambasadori tha se përfshirja e institucioneve dhe aktorëve nga Iowa në bashkëpunimin me Kosovën reflekton një angazhim të gjerë amerikan për forcimin e sigurisë dhe promovimin e vlerave demokratike në nivel global.
“Krenar që qëndroj sot me bashkëqytetarët e mi nga Iowa, përfshirë Adjutantin e Përgjithshëm të Iowa-s, Gjeneral Major Stephen Osborn. Që nga viti 2011, Garda Kombëtare e Iowa-s ka qenë shtylla kryesore e sigurisë së Kosovës, duke dëshmuar se lidershipi amerikan fillon në zemrën e vendit. Partneriteti “Whole of Iowa” është një model i klasit botëror i përsosmërisë. Ne po projektojmë forcën dhe krenarinë amerikane, duke siguruar që vlerat dhe siguria jonë të qëndrojnë të forta në nivel global”, tha ai.
Proud to stand with fellow Iowans today, including the Iowa Adjutant General, Major General Stephen Osborn. Since 2011, the Iowa National Guard has been the backbone of Kosovo’s security, proving that American leadership starts in our Heartland. The "Whole of Iowa" partnership is… pic.twitter.com/kwqNWH2k5N
— U.S. Ambassador to NATO (@USAmbNATO) April 22, 2026
