Konate konfirmon se është afër vazhdimit të kontratës me Liverpoolin

Ibrahima Konate është më afër të qëndrojë sesa të largohet nga Liverpooli.

Ndonëse ishte lidhur për një kohë të gjatë me një transferim te Reali, francezi konfirmoi se ai është afër të nënshkruajë kontratën e re me “Reds”.

“Kemi folur me klubin dhe jemi afër një marrëveshjeje. Mendoj se të gjithë e dëshironin këtë për aq kohë sa të ishte e mundur, por jemi në një rrugë të mirë… jemi duke e bërë”, u shpreh Konate.

Ai deri më tani ka 178 paraqitje me Liverpoolin, ku ka fituar Community Shield, EFL Cup, FA Cup dhe së fundmi titullin e Premierligës./IndeksOnline/