Policia e Kosovës ka shpallur në kërkim katër persona të dyshuar për veprën penale ‘’Fajde dhe Detyrim’’
Sipas njoftimit nga Policia e Kosovës të dyshuar për fajde dhe në kërkim janë Gjin Kuzhnini, Bruno Kuzhnini, Elson Kuzhnini dhe Egzon Reshani.
Sipas dyshimeve të deritanishme, të dyshuarit në mënyrë të vazhdueshme kanë detyruar viktimën të paguajë shuma të ndryshme parash si interes për fajde, duke përdorur forma të ndryshme të presionit dhe dhunës. Po ashtu, ata dyshohet se në raste të caktuara e kanë privuar viktimën edhe nga liria, me qëllim që ta detyrojnë të paguajë kamata të larta të fajdesë.
Dëmi i shkaktuar ndaj viktimës, sipas vlerësimeve fillestare, arrin shumën rreth 700,000 (shtatëqind mijë) euro, ndërsa të dyshuarit dyshohet se kanë kërkuar edhe rreth 450,000 euro shtesë në emër të interesit të fajdesë.
