Deputetja e AAK-së, Albana Bytyqi sot përmes një komunikate për media ka folur në lidhje me kuotën gjinore në Qeverinë Kurti 3.
Ajo ka thënë se kjo Qeveri nuk e respekton Ligjin për Barazi Gjinore në përbërjen e vet, të cilën e ka quajtur diskriminuese.
“Kur në nivelet më të larta të vendimmarrjes mungon përfaqësimi i barabartë, atëherë dërgohet një mesazh i qartë për përjashtim dhe pabarazi. Kjo nuk është vetëm çështje numrash, por e drejtë për pjesëmarrje të barabartë në vendimmarrje. Është e domosdoshme që institucionet të respektojnë ligjin dhe të garantojnë përfshirje më të madhe të grave në kabinetet qeveritare. Pa këtë, çdo zotim për barazi mbetet i zbrazët”, ka shkruar Bytyqi në Facebook.
Ajo ka thënë se barazia gjinore duhet të fillojë nga vetë qeveria. /Lajmi.net/
Postimi i plotë:
- Advertisement -
