Komuna e Skenderajt ka lëshuar një lajmërim urgjent për qytetarët, pas përkeqësimit të situatës në lumin Klina dhe rritjes së rrezikut nga dalja e tij nga shtrati,përcjellë Drenica Press.
Autoritetet komunale u bëjnë thirrje të gjithë banorëve që jetojnë në afërsi të lumit Klina të tregojnë kujdes maksimal dhe të ndjekin me vëmendje situatën, pasi niveli i ujit mund të rritet edhe më tej.
Sipas njoftimit zyrtar, rekomandohet që banorët e zonave të rrezikuara, sipas mundësive, të evakuohen përkohësisht, me qëllim të shmangies së pasojave të mundshme dhe ruajtjes së sigurisë së jetës dhe pronës.
Komuna thekson se ekipet relevante janë në gatishmëri dhe fton qytetarët që në rast nevoje të kontaktojnë shërbimet emergjente në numrat zyrtarë:
🚒 Zjarrfikësit: 193
🚓 Policia e Kosovës: 192
🚑 Ndihma e Shpejtë: 194
Autoritetet apelojnë për bashkëpunim dhe respektim të udhëzimeve, duke theksuar se siguria e qytetarëve mbetet prioritet kryesor.
Lajmi i fundit, Skenderaj në rrezik nga përmbytjet, lumi Klina arrinë urën në qytet, bën thirrje edhe komuna e Skenderajt (FOTO)
