Kandidati i Lidhjes Demokratike të Kosovës (LDK) për deputet, Bujar Gashi, ka shprehur mirënjohjen e tij për mbështetjen e madhe të qytetarëve në zgjedhjet lokale, duke theksuar se ishte kandidati më i votuar nga LDK-ja. Ai u shpreh se kjo mbështetje e obligon të vazhdojë angazhimin e tij politik me edhe më shumë përkushtim.
“Tani jemi bashkë para një sfide tjetër. Jam rreshtuar sërish me ju për ndryshimin që e meriton ky vend, për punën e ndershme dhe projektet që do ta bëjnë jetën tonë më të mirë,” tha Gashi.
Ai theksoi se do të vazhdojë rrugëtimin politik me zemër, përkushtim dhe shpresë, duke u rreshtuar krah Lidhjes Demokratike të Kosovës në zgjedhjet e ardhshme.
Në këtë garë zgjedhore, LDK-ja mban numrin 123, kryetari Lumir Abdixhiku kandidon me numrin 1, ndërsa Bujar Gashi me numrin 100.
