Ka ndërruar jetë Fekë Feka nga Likoci i Skenderajt. I ndjeri ishte profesor dhe ish-ushtar i UÇK së, shkruan Drenica Press.
Familjarët njoftojnë se, me pikëllim të thellë dhe zemër të thyer, njoftojmë familjarë, miq dhe gjithë dashamirët se ka ndërruar jetë veterani i Ushtrisë Çlirimtare të Kosovës, ish-profesori dhe ish-kryetari i pensionistëve, babai ynë i dashur, Fekë Feka, në moshën 78-vjeçare.
Ikja e tij lë pas një boshllëk të madh në familje, në rrethin shoqëror dhe në komunitet. Fekë Feka do të kujtohet gjithmonë si një njeri me vlera të larta njerëzore, me shpirt të bardhë, urtësi dhe përkushtim ndaj atdheut, dijes dhe shoqërisë.
Ceremonia e varrimit do të mbahet më 22 Dhjetor (e hënë), në ora 13:00, në varrezat e Likocit të Ri, në praninë e familjes dhe të afërmve.
U prefsh në paqe, shpirti i shpirtit tonë.
Kujtimi dhe vepra jote do të jetojnë përgjithmonë në zemrat tona./DRENICAPRESS/
