Anëtari i Parlamentit Evropian, Thijs Reuten, ka thënë se Komisioni Evropian duhet t’iu propozojë shteteve anëtare të BE-së që menjëherë t’ia heqin masat Kosovës.
Ai në një reagim në profilin e tij në “X”, ka thënë se gjithashtu duhet të nis edhe procesimi i aplikimit të Kosovës për anëtarësim në Bashkim Evropian.
“Komisioni Evropian duhet t’u propozojë shteteve anëtare heqjen e menjëhershme të masave kundër Kosovës dhe gjithashtu të fillojë përpunimin e kërkesës për anëtarësim në BE”, ka shkruar ai.
Lidhur me masat dje në Tiranë ka folur edhe kryeministri në detyrë, Albin Kurti. Në prani të Komisioneres Marta Kos dhe Drejtorit për Zgjerim, Gert Jan Koompan, Kurti ka thënë se është hera e fundit që do të adresojë çështjen e masave dhe se ato duhet të hiqen menjëherë.
Për aplikimin e Kosovës për anëtarësim, Kurti dhe Osmai në vazhdimësi kanë kërkuar që të bëhet progres, megjithatë edhe pse kanë kaluar tre vite, ende s’është parë asnjë hap nga BE-ja./Express/
🇽🇰 The European Commission must propose to the member states the immediate lifting of the measures against Kosovo and also start processing the EU membership application.👇 @a2_news https://t.co/7iIFtW0UVV
— Thijs Reuten 🇪🇺🌹 (@thijsreuten) November 21, 2025
