Kosova është në minutat e fundit të përmbylljes me sukses të procesit zgjedhor për zgjedhjet lokale.
Në përgjithësi procesi është cilësuar si i qetë, por me disa raste të incidenteve në disa komuna.
Incidente u raportuan edhe në Gjilan dhe Kamenicë ku dyshohet për cenim të fshehtësisë së votimit.
Zëdhënësi i Policisë për Rajonin e Gjilanit, Ismet Hashani tha se Prokurori i Shtetit do ta hetojë nëse ka vepër penale.
“Janë katër raste, në fakt janë vetëm shënime zyrtare nuk ka rast policor. Prokurori i Shtetit e ka parë, mbetet të vërtetohet a ka vepër penale apo jo…Janë vetëm shënime zyrtare, për hetim të mëtutjeshëm se a ka apo jo… Dy raste janë në Gjilan dhe dy në Kamenicë”, tha Hashani.
Sipas koordinatores nacionale për zgjedhje, prokurores Laura Pula deri ora 16:00 janë raportuar tetë raste si incidente në zgjedhje. Ajo konfirmoi se nuk është arrestuar asnjë person për keqpërdorim të votës në këto zgjedhje lokale, deri në mesditë.
