Bartësja e listës për Asamblenë Komunale nga Partia Guxo Jeta Statovci, ka thënë se 12 tetori do të jetë fillimi i fundit të problemeve,me të cilat përballen qytetarët e Prishtinës.
“Për shumë kohë qyteti është zhvilluar pa plan, me improvizime dhe mungesë harmonie. Tani është koha të ndertojmë një Prishtinë ndryshe. Një qytet që i shërben qytetarëve. Një Prishtinë me transport publik efikas, autobusë elektrik, më shumë rrugë për bicikleta dhe trotuare për këmbësore”, ka thënë Statovci.
Ndërsa ka thënë se ata kanë një vizion të qartë, e që është një Prishtinë e planifikuar, e drejtë dhe e jetueshme.
“Një qytet që i hap rrugë rinisë së tij, është një qytet që mendon për të ardhmen. Vizioni është i qartë, një Prishtinë e planifikuar, e drejtë dhe e jetueshme. Prandaj me 12 tetor iu ftoj të bashkoheni me kandidatët e Listës Guxo, për një qytet që i shërben qytetarëve”, ka thënë Statovci
