Një hetim i kryer në Kanada zbuloi se TikTok, një platformë e mediave sociale me qindra mijëra përdorues të mitur në vend, kishte masa të pamjaftueshme për kufizimin e moshës dhe se ka mbledhur të dhëna personale të ndjeshme të shumë fëmijëve.
Qeveria kanadeze ka publikuar raportin mbi hetimin e saj ndaj TikTok, i cili prej disa kohësh është në rend dite në SHBA për blerjen ose mbylljen e tij për shkak të shqetësimeve për sigurinë e të dhënave.
Në raport thuhet se është shqyrtuar pajtueshmërinë e TikTok me ligjet kanadeze për mënyrën e mbledhjes dhe përdorimit të të dhënave personale me qëllimin për të përcaktuar përmbajtjen dhe reklamat specifike për përdoruesit.
Duke vënë në dukje se qindra mijëra të mitur kanadezë kanë përdorur platformën e mediave sociale, raporti vë në dukje se TikTok dështoi të merrte masa të mjaftueshme për të zbatuar kufizimet e aksesit të vendosura nga shumë shtete për ata nën moshën 13-vjeç.
“Si pasojë e masave të pamjaftueshme të kufizimit të moshës së TikTok, kompania mblodhi të dhënat personale të shumë fëmijëve kanadezë, përfshirë ata që konsideroheshin të ndjeshëm” thuhet në raport.
Sipas raportit, informacionet biometrike si fytyra dhe zëri janë ndër të dhënat e mbledhura nga TikTok. Gjithashtu theksohet se afërsisht 500.000 përdorues të mitur bllokohen nga platforma çdo vit, por shumë fëmijë ka të ngjarë të mos vihen re për shkak të mangësive në mekanizmin e zbulimit të moshës.
