Tragjedi në Shtime – Rrokulliset traktori, ky është bujku që ndërroi jetë

Ngjarje e rëndë ka ndodhur sot në fshatin Carralevë të komunës së Shtimes, ku një person ka humbur jetën si pasojë e një aksidenti me traktor.

IndeksOnline mëson se traktori është rrokullisur duke e zënë poshtë shoferin, i cili për fat të keq ka ndërruar jetë në vendin e ngjarjes.

Viktima është identifikuar si Xhavit Boka, banor i fshatit Geriqevc.

IndeksOnline është në pritje të përgjigjeve nga policia në lidhje me rastin në fjalë.