Në Korçë janë emëruar drejtuesit e rinj të njësive administrative që mbulohen nga Bashkia e Korçës.
Emërimet e administratorëve të rinj u bënë pas shkarkimeve të atyre ekzistues në kuadër të rifreskimit të pushtetit vendor, sipas kërkesës së Kryeministrit Edi Rama disa javë më parë për të gjitha bashkitë e vendit.
Emërimet e administratorëve në Korçë:
Në njësinë administrative Lekas është emëruar Panajot Hyseni.
Në njësinë administrative Voskopojë, Kodhel Zere.
Në njësinë administrative Drenovë është emëruar Dhimitri Postol.
Në njësinë administrative Voskop, Erion Demirasi.
Në njësinë administrative Mollaj, Like Shkëmbi.
Në njësinë administrative Bulgarec, Klajdi Shaho.
Në njësinë administrative Vithkuq, Ilia Prifti.
Sakaq, nga ndryshimet është prekur edhe Bashkia e Devollit, ku janë emëruar dy nënkryetarë të rinj. Bëhet fjalë për Xhensila Pine dhe Nardi Hoxha. Nga ana tjetër, janë rikthyer si administratorë Marjol Babi dhe Riku Hysi. Babi është caktuar në njësinë Administrative Miras, ndërsa Hysi në atë Qendër. Në njësinë Administrative Hoçisht emërohet Jonida Temo.
Ndërkohë, sa i përket bashkive të tjera ende nuk kanë nisur emërimet. Këto të fundit pritet që të ndodhin brenda këtyre ditëve.
