Një person ka rënë nga kati i tetë në një objekt banesor në Skenderaj.
Ky rast aktualisht është i klasifikuar nga Policia si “vdekje e dyshuar”.
Për Gazetën Express këtë e ka konfirmuar Fexherije Pllana, zëdhënëse e Policisë së Kosovës për rajonin e Mitrovicës.
Viktima është mashkull i moshës 26-vjeçare.
“Me datë 24.08.2025, rreth orës 21:00, policia në Skenderaj është njoftuar se një person kishte rënë nga kati i tetë i një objekti banesor dhe ishte transportuar menjëherë në emergjencën e QKMF Skenderaj. Njësitë policore kanë dalë menjëherë në vendin e ngjarjes mirëpo pas një kohe të shkurtër, nga ekipi mjekësor ishte konfirmuar se personi 26 vjeçar, i gjinisë mashkullore, si pasojë e lëndimeve të pësuara kishte humbur jetën”, ka thënë ajo. /Gazeta Express
