Kryetari i Lipjanit, Imri Ahmeti, i cili është sërish kandidat i LDK’së, ka njoftuar se veterani i Ushtrisë Çlirimtare të Kosovës dhe një ndër ushtarët e hershëm të saj, komandant batalioni në kuadër të Brigadës 123, Remzi Mehmeti, i është bashkuar atij në vizionin “Me punë për Lipjanin”.
Ahmeti ka thënë edhe se, Mehmeti ka kontribuar edhe në Trupat Mbrojtëse të Kosovës, duke dëshmuar përkushtimin e tij të pandërprerë për vendin.
Postimi:
Remzi Mehmeti, i bashkohet vizionit për të ardhmen e Lipjanit.
Remzi Mehmeti, veteran i Ushtrisë Çlirimtare të Kosovës dhe një ndër ushtarët e hershëm të saj, komandant batalioni në kuadër të Brigadës 123, i bashkohet vizionit tonë “Me punë për Lipjanin”.
Pas luftës, Remziu kontribuoi edhe në Trupat Mbrojtëse të Kosovës, duke dëshmuar përkushtimin e tij të pandërprerë për vendin.
Sot, me vullnet e gatishmëri, ai vjen të japë kontribut në progresin dhe zhvillimin e komunës sonë – duke sjellë me vete kujdesin për kujtesën historike dhe respektin e thellë për vlerat e UÇK-së.
Mirësevjen Remi.
