Klubi Basketbollistik Peja ka shprehur ngushëllime për vdekjen e Agon Shabanit.
Shabani ishte pjesë e tifo-grupit zyrtar të ekipit, UCF, teksa ishte përkrahës i madh i ekipit në etapa të ndryshme, shkruan IndeksOnline.
“KB Peja shpreh ngushëllimet më të sinqerta të gjithë familjarëve, të afërmve dhe të dashurve të Agon Shabanit.
Agon, gjithmonë në zemrat tona. U prefsh në paqe” thuhet në telegramin e ngushëllimit.
Agoni kishte kohë që përballej me një sëmundje të rëndë.
“Gjatë gjithë kësaj kohe, ai mbeti i palëkundur, me një shpirt të pastër dhe me një energji që frymëzoi të gjithë ata që patën fatin ta njohin. Për komunitetin tonë, Agoni nuk ishte vetëm pjesë e një grupi – ai ishte simbol i përkushtimit, i miqësisë dhe i shpirtit luftarak që nuk dorëzohet përballë asnjë sfide” deklaroi tifo-grupi UCF./IndeksOnline/
