Një aeroplan i vogël pasagjerësh u rrëzua në një ndërtesë banimi në Korschenbroich të Gjermanisë, duke vrarë dy persona.
Këtë e ka bërë të ditur edhe policia gjermane.
Qyteti ndodhet afër Monchengladbach dhe nuk është shumë larg kufirit holandez, shkruan DW, përcjell Telegrafi.
Sipas policisë, aeroplani ka goditur tarracën e një ndërtese dhe më pas ka rënë zjarr.
Raportohet se një nga dy personat e vrarë ka të ngjarë të ketë qenë piloti.
Nuk ishte menjëherë e qartë nëse personi tjetër kishte qenë pasagjer në aeroplan apo kishte qenë në tokë.
Gjithashtu, shkaku i rrëzimit ende nuk është përcaktuar. /Telegrafi/
