Kryeministri i Kosovës, Albin Kurti, po mban aktualisht tubim elektoral në Skenderaj, mes një atmosfere të tensionuar ku një pjesë e qytetarëve brohorisnin me thirrjet “UÇK, UÇK”.
Pavarësisht tensioneve, Kurti vendosi të fokusohej në çështje ekonomike, duke adresuar gjendjen financiare të komunë.
Ai tha se kjo komunë nuk ka pothuajse asnjë kontribut nga të hyrat vetanake dhe se shumica e tyre janë grante qeveritare.
“Buxheti për vitin 2025 për komunën e Skenderajt, nga të hyrat vetanake, është vetëm 1.7 milionë. 18.2 milionë euro janë grant qeveritar. Komuna e Skenderajt nga të hyrat vetanke i ka vetëm 8.3 për qind. Shumicën dërrmuese i ka grant të Qeverisë. Komuna e Skenderajt, nga të hyra vetanake, prej 11 eurove, asnjë euro nuk e ka të vetën. Prej 11 eurove, më shumë se 10 euro i ka sjellë Qeveria e Kosovës.” – tha Kurti.
