Policia e Kosovës ka zhvilluar mbrëmë një aksion policor në Podujevë, që rezultoi me sekuestrimin e rreth 2 kg marihuanë. Përveç drogës, u gjet edhe municion, ndërsa personi i dyshuar për shitblerje dhe shpërndarje të narkotikëve ende nuk është kapur.
Rasti po hetohet në koordinim me Prokurorin e Shtetit, ndërsa Sinjali ka mësuar detaje të reja.
Burimet brenda Prokurorisë kanë bërë me dije se bastisja është kryer në shtëpinë e familjes Rrahimi në rrugën “Xhemail Mustafa” në Podujevë.
Pas kontrollit policor, janë gjetur dhe sekuestruar rreth 2 kilogramë substancë e dyshuar narkotike e llojit marihuanë, 75 fishekë kalibrash të ndryshëm, peshore të ndryshme dhe një radiolidhje.
Rasti është konfirmuar edhe nga Policia Rajonale në Prishtinë.
“Rasti është hap, është në fazën fillestare të hetimit. Për detaje njoftoheni me kohë” – tha zëdhënësja Flora Ahmeti për Sinjalin.
