Nënkryetari i komunës, Gjenerali Sami Lushtaku në nderim të 24 vjetorit të rënies së heroit Bekim Berisha-Abeja, ka publikuar një xhirim amator të vitit 1994, në të cilin ai shihet së bashku me heroin Bekim Berisha-Abeja, ku ky i fundit dëgjohet duke folur për organizimin e luftës në Kosovë. Nënkryetari Lushtaku ndër të tjera ka shkruar:
“Një xhirim amator bashkë me Bekim Berishën-Abenë, në kohën kur organizimi i luftës çlirimtare po merrte përmasa edhe në mërgim. Abeja veç robërinë nuk e duronte, siç nuk duronte as krimet mizore serbe në ish-Jugosllavi, për çka edhe ju bashkua luftës në Kroaci e në Bosnjë. Siç shihet e dëgjohet edhe nga zëri i tij, Abeja mendjen e zemrën e kishte në organizimin e luftës edhe në Kosovë.
“Mos të flejmë se çdo fillim është i vështirë…e unë jam i largum vetëm fizikisht se me shpirt atje qëndroj”, ishin disa nga fjalët e këtij burri që sot e para 24 vitesh ra në mbrojtje të tokës së Kosovës, bashkë me Bedri Shalën, Elton Zherkën e Përmet Vulën.
Lavdi jetës dhe veprës së Bekim Berishës- Abesë, Bedri Shalës, Elton Zherkës e Përmet Vulës!
SL”.
Del videoja e papublikuar më parë e Abesë dhe Sami Lushtakut, “Abeja veç robërinë nuk e duronte” (VIDEO)
- Advertisement -
