Pas përhapjes së zjarrit në malet e fshatit Gradicë dhe Godanc, që u ndihmuan shumë nga erërat e forta, janë arritur të lokalizohen dhe të ndalen duke mënjanuar ndezje dhe përhapje të mëtutjeshme të vatrave të reja të zjarreve.
Rolin e pakontestueshëm në fikjen e këtyre zjarreve me ekipet e zjarrfikësve në Komunën e Drenasit e kishin Forca e Sigurisë së Kosovës e cila bashkë me Policinë e Kosovës u angazhuan maksimalisht dhe arritën ta ndalojnë përhapjen e këtyre zjarreve.
Komuna e Drenasit, përkatësisht Drejtoria e Shërbimeve Publike dhe Emergjencë falenderon Forcën e Sigurisë së Kosovës dhe Policinë e Kosovës për kontributin e dhënë në fikjen e zjarreve në territorin e Komunës së Drenasit që njëkohësisht është kontribut i drejtpërdrejt në ruajtjen e ambientit.
