Vehbi Curri, nga Korratica e Epërme të Drenasit, sot ka hapur dyert për ngushëllime, për të birin e tij, Bedri Currin, i cili mbrëmjen e së enjtes u gjet i vrarë në malin e afërt të këtij fshati.
As babi i tij Vehbiu, e as xhaxhallarët e kushërinjtë e afërt të Bedriut, nuk kanë asnjë njohuri për rastin dhe shkakun e kësaj vrasjeje, të papritur për ta, dhe se lajmin e zi e kanë dëgjuar vetëm në mjetet e informimit, raporton nga Drenasi korrespondenti i “Kohës Ditore”.
Por babai Vehbiu tregon se Bedriu i kishte telefonuar nënës së tij nga Fushë Kosova, ku banonte me gruan e tij dhe një vajzë, se ai do të vijë në Drenas dhe, po të mundej, do të kthej ta shohë atë.
As polica në Drenas nuk jep ndonjë hollësi rreth kësaj vrasje.
Sot Policia e Kosovës konfirmoi vrasjen e ish-ushtarit të UÇK-së, por pa dhënë hollësi të tjera.
