Një veterane e Ushtrisë Çlirimtare të Kosovës u bë me shtëpi të re të enjten.
Selvete Rrustemi nga Mitrovica u bë me strehë të re në Frashër të Mitrovicës falë donatorëve të Shoqatës Humanitare “Diaspora”, njofton Klan Kosova.
Kontribut dha edhe një grup i grave ndërsa pronën për ndërtimin e shtëpisë e dha Komuna e Mitrovicës.
“Dadushi” siç e ka nofkën veteranja e që deri tashti jetonte me qira në veri të Mitrovicës, u shpreh falënderuese për të gjithë ata që kontribuuan në ndërtimin e kësaj shtëpie.
