Së bashku me ekipën e kompanisë për mirëmbajten e rrugëve sot ka dalur edhe kryetari i Skenderajt, Fadil Nura, përcjellë Drenica Press. Me këtë rast u tha se: “Ekipet e kompanisë së kontraktuar, për mirëmbajtje të rrugëve gjatë sezonit dimëror, janë angazhuar që nga orët e para të mëngjesit të ditës së sotme, për t’i pastruar rrugët brenda territorit të komunës së Skenderajt.
Edhe kryetari i komunës, Fadil Nura, ka dal në disa fshatra, ku ka parë nga afër procesin e mirëmbajtjes.
Me këtë rast, të gjitha rrugët në territorin e komunës sonë, janë të kalueshme ku në asnjë fshat nuk është paraqitur vështirësi në qarkullim, me përjashtim të fshatrave rrëzë Qyqavicës, pasi të reshurat janë më të mëdha, por prapëseprapë nuk ka bllokim të qarkullimit të automjeteve.
Mirëmbajtja e rrugëve do të vazhdojë derisa të reshurat të ndalen dhe të mos ketë asnjë pengesë në qarkullim.
