Zymer Deliu nga dita e sotme nuk do të jetë më drejtor i Urbanizmit në Komunën e Skenderajt, kjo pasi ai ka dhënë dorëheqje nga kjo pozitë, duke iu përkushtuar biznesit të tij privat. Ndërkaq në vendin e tij është kthyer Driton Mulaj, shkruan Drenica Press.
Lajmin për dorëheqjen e Deliut e ka bërë të ditur vet Kryetari i Skenderajt, Fadil Nura. Ai tha se “Në mesin e dy profesionistëve të vërtetë, Zymer Delija që i rikthehet biznesit familjar (siç ishim dakorduar në fillim të rrugëtimit tonë të përbashkët) por me mendje dhe shpirt te bashkëpunimi profesional dhe i gatshëm të ofrojë nga jashtë tërë përvojën në shërbim të punëve që na presin, dhe Driton Mulaj, që rikthehet për të vazhduar rrugëtimin që kishim lënë në gjysmë para 4 viteve, në realizimin e projekteve të reja që na presin të gjithëve.
Kur gjendesh mes këtyre të dyve, si profesionistë të zotë, që kanë vullnet për të transformuar Skenderajn, sukseset janë të garantuara, pa asnjë dyshim.
Faleminderit, Zymer!
Suksese Driton!
