Kolonat e automjeteve dhe pritjet e gjata të bashkatdhetarëve në pikat kufitare në hyrje dhe dalje të Kosovës, po vazhdojnë edhe sot në këtë mëngjes.
Në raportin e fundit të Qendrës Kombëtare për Menaxhimin Kufitar, (ora 07:30), bëhet e ditur se bashkatdhetarët që po kthehen nga pushimet, po presin gjatë në pikë-kalimet kufitare me Serbinë në Merdar dhe te Dheu i Bardhë.
Për ta kaluar kufirin në Merdarë, bashkatdhetarët po presin 3 orë, kurse për të hyrë në Kosovë, pritjet janë 1 orë, raporton Telegrafi.
Edhe në pikën kufitare te Dheu i Bardhë, pritjet për të dalë nga Kosova janë afro dy orë, kurse për të hyrë pritjet janë shumë të vogla deri në 10 minuta.
E gjendje shumë më e qetë është në pika pikë kalimet tjera kufitare, pasi nuk ka pritje për në dalje e as në hyrje.
Qytetarët mund të informohen për gjendjen në vendkalimet kufitare në kohë reale duke klikuar KËTU. /Telegrafi/
