Ish-deputeti Milaim Zeka është përfshirë në debatin e fundit lidhur me dyshimet për manipulim të votave në rezultatin e zgjedhjeve të 14 shkurtit, raporton Gazeta Express.
Zeka në Facebook ka thënë se në Kosovë me ngrit akuza për manipulim të votave është njëjtë sikur me e bërë pyetjen “Pse po ha bukë?”.
Ai ka thënë se vjedhja e votave është aq normale sa që askush nuk e quan lajm, e shton se për këtë ka folur edhe sa ka qenë në parlament.
Ish-deputeti thotë se ‘hajnia me vota’ siç e quan ai, kurdiset nga kryetarët e partive. Sipas tij, ata kanë edhe dy – tre persona të besueshëm.
Zeka ka thënë se atij do t’i vinte turp nëse do të bëhej deputet me vota të vjedhura.
