Një qytetar është plagosur sot rreth orës 12:30 në rrugën “Xhemajl Mustafa” në Prishtinë.
Rastin e ka konfirmuar Policia e Kosovës për Reporteri.net ku bën e ditur se i plagosuri është dërguar në spital për tretman mjekësorë.
“Sot rreth orës 12:30, policia ka marrë informacionin për një plagosje me arme zjarri në rrugë “Xhemajl Mustafa” në Prishtinë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes.
Bazuar në të dhënat fillestare në këtë vend është plagosur 1 person. I njëjti është dërguar për tretman mjekësor”, thotë Flora Ahmeti, zëdhënëse e Policisë së Kosovës për Reporteri.net.
Ahmeti thotë se kanë nisur hetimet për ta identifikuar personin e dyshuar.
“Aktualisht hetuesit policor kanë nisur një hetim për identifikimin e personit të dyshuar si dhe sqarimin e të gjitha rrethanave që lidhen me rastin”, ka thënë Ahmeti.
