Dega e PDK-së në Skenderaj ka reaguar pas vizitës së Albin Kurtit në Skenderaj, ku kjo parti e cilëson të papranueshme vizitën e Kurtit të shoqëruar me Njësi Speciale të Policisë së Kosovës. Sipas PDK-së në Skenderaj, vizita e Kurtit në mënyrë të blinduar, kishte për qëllim provokimin e qytetarëve të Skenderaj dhe pastaj Albin Kurti të viktimizohet, përcjellë Drenica Press.
Më poshtë ju sjellim reagimin e plotë të PDK-së në Skenderaj
“Reagim në lidhje me vizitën provokuese të Albin Kurtit në Skenderaj Dega e PDK-së në Skenderaj e konsideron të papranushme vizitën e Albin Kurtit ne Skenderaj shoqëruar nga Njësia Speciale e Plicisë së Kosovës. Vizitat dhe aktivitetet e Albin Kurtit në këtë formë, janë plotësisht të papranueshme, pasi te qytetarët e Skenderajt dhe Drenicës ngjallin kujtime të kohëve të errëta për Skenderajn dhe Drenicën.
Kjo vizitë e blinduar kishte për qëllim provokimin e qytetarëve të Skenderajt dhe viktimizimin e mëtutjeshëm të Albin Kurtit me qëllim të përfitimit elektoral në prag të zgjedhjeve. Vizita e Kurtit sot në Skenderaj u realizua shoqëruar nga njësitë speciale të Policisë së Kosovës, gjë që nuk ndodhi para pak ditësh në veri të Mitrovicës. Pse ndodhi kështu?
