Ministri i Punëve të Brendshme, Agim Veliu, është përplasur me analistin Rron Gjinovci në T7.
“Përshendetje zotëri eksponent i LDK’së. Po ju thërras kështu për të kujtuar kohën kur më thirrnit eksponent i VV’së në studio. Si i matni përqindjet ju në LDK. Për Vjosën po thoni ka më pak përqindje. Ndërsa në Podujevë po thoni keni numrin e njëjtë të votave përkundër humbjes”, tha Gjinovci.
Veliu është kundërpergjigjur, duke e quajtur eksponent të rrugës Gjinovcin.
“Dëgjo ti eksponenti i rrugës dhe i kockave të betonit. Po e them atë që është e vërtetë”, u përgjigj Veliu.Gjinovci pyeti Veliun nëse do të jap dorëheqje nga postet udhëheqëse në LDK.
“Kur do të largoheni ju dhe Isa Mustafa. Kur do të hiqni dorë. Si mendoni që do ia shitni publikut një kandidat. Publiku është mashtruar disa herë nga ju”, pyeti Gjinovci.
“Unë do të hiqem nga politika atëherë ku ju do të hiqni dorë nga rrugaçëria politike”, shtoi Veliu.
