Partia Demokratike e Kosovës edhe zyrtarisht ka paralajmëruar zgjedhje të reja në Kosovës pas sjelljes së fundit qysh e quajnë ata “koalicionit të shpresave së rrem”, shkruan Gazeta Metro.
Kjo parti përmes deputetit të saj, Abelard Tahiri ka thënë se vendi duhet të shkojë në zgjedhje dhe ky Kuvend duhet të shpërbëhet,
Tahiri tha se gjendja në Kosovë është rënduar nga keqqeverisja e Lëvizjes Vetëvendosje fillimisht, pastaj kjo nga Qeveria Hoti.
Ai tha se PDK do të bëjë çmos nga tani që vendi të shkon në zgjedhje dhe të ndalet degradimi i Kuvendit nga këto dy parti, ai tha se janë duke komunikuar edhe me parti tjera.
“Ky shtet po vazhdon të udhëhiqet nga qeveria e dytë e koalicionit të shpresës së rremë. Kemi degradim të skajshëm në Kuvendit, si rezultat i kësaj qeverisje që kanë dalë nga zgjedhjet e 6 tetorit. Këta se kanë hallin e arsimit, shëndetësisë, qytetarëve, por të rehatimit të militantëve. Është koha që ky Kuvend të shpërbëhet dhe vendi të shkojë në zgjedhje”, ka thënë Tahiri.
“Ne do të bëjmë të gjitha përpjekjet që të shpërbëhet Kuvendi, kjo po i bjen që po i bëjmë të gjitha hapat e mundshëm që ky Kuvend të shpërbëhet sa më shpejt”, tha Tahiri, transmeton Gazeta Metro.
“Nuk janë të mjaftueshme vetëm votat me LVV’në, jemi duke biseduar edhe me të tjerët që ta ndalim këtë degradim, pra vetëm zgjedhjet janë opsion i vetëm”, tha Tahiri.//gazetametro.net
