Presidenti i Kosovës, Hashim Thaçi dhe kreu i AAK-së, Ramush Haradinaj janë takuar sot në Presidencë.
Kreu i AAK-së pas takimit ka thënë se me presidentin Thaçi kanë diskutuar për zhvillimet e fundit në vend, shkruan Reporteri.
“Isha në takim me ftesë të presidentit, për konsultë për zhvillimet në vend. Diskutuam edhe për pandeminë, por edhe për temat tjera, zhvillimet në përgjithësi”, u shpreh Haradinaj.
Haradinaj ka mohuar se në këtë takim është diskutuar për propozim aktakuzën e Zyrave të Specializuara.
Ai ka thënë se Thaçi nuk i ka përmendur se ka diçka të re në këtë drejtim.
“Nuk ra kjo temë, nuk mora vesh që ka diçka konkrete ose që ka ndonjë të re në këtë temë”, u shpreh shkurt Haradinaj para mediave./Reporteri.net
