Golf 1 del në shitje, i ka njëmijë kilometra të kaluara – është vozitur vetëm dy herë

Kompania “Silverstone Auctions” ka nxjerrë në shitje një makinë të tipit “Golf 1” që ka kaluar vetëm 1187 kilometra.

Vetura është prodhuar në vitin 1980, dhe ka qëndruar për rreth 40 vjet në garazh, dhe nuk ka asgjë të ndryshuar.

Kjo makinë zakonisht ka një çmim prej 350 deri në 700 euro, por vlera e kësaj veture të në këtë gjendje pritet të nis ankandin me çmim prej 10 mijë eurove.

Për herë të parë është regjistruar në vitin 1999, ndërsa sa do të shitet ky model i shumëpërfolur mbetet të shihet nga të interesuarit dhe apasionuarit e kësaj marke.