Kryeprokurori i Shtetit, Aleksandër Lumezi, ka rezultuar pozitiv në testimet për COVID-19, raporton Express
Kjo është bërë e ditur përmes një njoftimi për media, nga zyra për informim e Kryeprokurorit të Shtetit.
“Zyra e Kryeprokurorit të Shtetit njofton opinionin publik se Kryeprokurori i Shtetit, Aleksandër Lumezi, dje e ka bërë testin për Covid19, me ç’rast ka rezultuar pozitiv”, thuhet në njoftim.
Po ashtu, është bërë e ditur se nga momenti i testimit, Lumezi ka qëndruar në vetizolim.
Gjendja shëndetësore e Kryeprokurorit thuhet të jetë stabile.
“Nga momenti i testimit, Kryeprokurori Lumezi është vetizoluar. Gjendja shëndetësore e Kryeprokurorit të Shtetit është e stabile dhe është duke e marrë trajtimin e duhur mjekësor”, thekson njoftimi./Express/
