Televizioni publik gjerman “ZDF” ka realizuar një reportazh në Kosovë rreth situatës pandemike dhe sipas tyre situata me COVID-19 ka dalë plotësisht jashtë kontrollit.
ZDF ka përmendur numrin e lartë të personave që po vdesin si pasojë e virusit, derisa theksojnë faktin se Kosova ka më pak se dy milionë banor.
“Në Kosovë, një vend që ka gati 2 milionë banorë, ndodhin çdo ditë nga 12 vdekje si pasojë e koronavirusit”, thuhet në shkrimin e publikuar nga ZDF.
Gjithashtu mediumi gjerman ka përshkruar edhe situatën e rënduar nëpër spitale, mungesën e respiratorëve dhe zënien e pothuajse të gjithë shtretërve.
ZDF shkruan se numri i personave të infektuar ka filluar të rritet që nga lehtësimi i masave në qershor.
- Advertisement -
