Kryetari i komunës së Skenderajt, Bekim Jashari ka pritur në takim udhëheqësit e shoqatës së prodhuesve të qumështit në Kosovë me të cilët ka biseduar rreth përkrahjes që i kanë bërë fermerëve e bizneseve vendore të përpunimit të qumështit, duke i blerë produktet vendore të qumështit për 4 mijë pako ushqimore të cilat i kanë dhuruar bashkë me donatorët për familjet në nevojë.
Jashari ka shkruar në Facebook se kështu duke ndihmuar familjet në nevojë në këtë kohë pandemie, ata kanë ndihmuar familjet që shesin qumësht çdo ditë dhe bizneset vendore të përpunimit të qumështit.
“Sot, më shumë se kurrë duhet të tregojmë patriotizëm ekonomik duke konsumuar produktet vendore, për të mos lejuar kështu dobësimin e ekonomisë dhe shuarjen e bizneseve vendore. Për përkrahjen që këtyre bizneseve ua kemi dhënë shoqata në fjalë me ndau një mirënjohje. Bashkë për të zhvilluar shtetin tonë”, ka shkruar ai.
