Kryetari i Komunës së Vushtrrisë, Xhafer Tahiri ka bërë të ditur se do të punësohen 200 punëtor në qershor në një kompani për telemarketing në këtë komunë.
Tahiri përmes një postimi në Facebook tha se çdo i ri vushtrrias që flet rrjedhshëm gjuhë të huaj do të ketë mundësi punësimi me paga e kushte evropiane.
“N’Vushtrri, qershori do të vijë me lirinë e lëvizjes por edhe me kompaninë më të madhe në Kosovë për telemarking dhe invoacion. 200 punëtor që në fillim, pastaj 500 punëtor brenda këtij viti në Vushtrri. Praktikisht, çdo i ri vushtrrias që flet rrjedhshëm gjuhë të huaj do të ketë mundësi punësimi me paga e kushte evropiane.
Për nxënësit do të ketë kurse në innovation lab, makers space, dizajn grafik, soft skills development, artificial intelligence”, tha Tahiri.
Ai po ashtu tha se ‘ky është qyteti që duam, ku të rinjtë do të kenë mundësi pa fund’./Gazeta Sinjali/
