Një qytetar është dënuar me 50 euro gjobë për shkak se kishte hedhur mbeturinat pa vend, shkruan Drenica Press.
Sipas kryetarit të Komunës së Skenderajt, Bekim Jasharit, thuhet se po bëhet vetëdijësimi për të ruajtur mejdisin e pastër përmes gjobës.
Jashari këtë dënim me 50 euro e quajti “Vetëdijësim përmes gjobës! ❌?
50 euro gjobë për personin fizik që ka hedhur mbeturina në natyrë duke ndotur kështu mjedisin tonë të përbashkët.
Si Komunë gjatë këtij muaji kemi larguar dhjetëra deponi ilegale të mbeturinave në shumë fshatra dhe tani qytetarë të pandergjegjshëm dhe që nuk e duan këtë vend hedhin mbeturina në natyrë. Andaj edhe secili prej tyre që identifikohet do të gjobitet.
Të dashur qytetarë, ju lutëm mos hedhni mbeturina jashtë vendeve të caktuara, mbroni mjedisin dhe shëndetin tonë duke lajmëruar tek organet kompetente komunale personat që hedhin apo djegin mbeturina.
E kemi obligim qytetar që të mbrojmë mjedisin dhe të mbajmë qytetin tonë të pastër! ???☘️/DRENICA PRESS/
