Policia e Kosovës ka dhënë detaje për GazetaBlic mbi rastin e sotëm të avokatit Gazmend Halilaj.
Nga Policia thanë se dy persona dyshohet të kenë sulmuar avokatin, i cili nga përleshja me ta është lënduar.
Nga vendi i ngjarjes po ashtu janë gjetur dy gëzhoja të armës, ndërsa rasti po vazhdon të hetohet.
“Në ora 15:50, policia është njoftuar për një rast në Drenas. Rastit i janë përgjigjur menjëherë njësitet relevante policore. Nga informatat e para të marra nga vendi i ngjarjes, dyshohet se dy persona ta kenë sulmuar ankuesin, i cili është lënduar nga përleshja me ta. Policia ende është duke e trajtuar rastin, përderisa në vendngjarje kanë gjetur dy gëzhoja të armës”, ka thënë zëdhënësi i PK-së, Bajram Krasniqi për Blic.
Ndryshe, ishte vet Halilaj i cili dha lajmin për atentatin ndaj tij, duke e shoqëruar me disa foto, në Facebook.
Ditë më parë, Halilaj kishte shkruar në Facebook se është ndjerë i frikësuar pas një kërcënimi, që sipas tij i është bërë nga kryetari i Degës së PDK-së, Sami Lushtaku.
“Miq Sami Lushtaku më kanosi, dhe sipas tij u nus në drejtim timin”, ka shkruar Halilaj./GazetaBlic
