Ministri i Ministrisë së Integrimit Europian, Blerim Reka, ka thënë se Kosova kurrë më mirë si ka pasur punët me SHBA-në, duke theksuar se deklaratat për antiamerikanizëm janë më tepër mediale.
“Termi antiamerikanizëm është më tepër mediale, kinse kjo qeveri e re është në luftë me SHBA-në. Duhet të jemi më të kujdesshëm”, është shprehur Reka.
Ai tha se qeveria e Kosovës është shumë qartë e përcaktuar dhe se kryeministri Kurti ka raporte të mira edhe me SHBA-në edhe me BE-në.
“Kryeministri Kurti e tha shumë qartë sot në ceremoninë përkujtimore për familjen Jashari, për raportet me SHBA-në, gjithashtu është edhe në programin qeverisës”, tha Reka në Jeta në Kosovë./Gazeta Sinjali/
