Mergim Lushtaku deputet i Partisë Demokratike të Kosovës, ka komentuar momentin e vendosjen e fotografisë së presidentit Hashim Thaçi në sallën e Kuvendit.
Ai në një intervistë për “Front Online” e ka konsideruar të drejtë veprimin e tij në seancën solemne të 17 shkurtit për përvjetorin e 12-të të pavarësisë.
Lushtaku po ashtu ka thënë se presidenti Thaçi nuk është përfaqësues i PDK-së, por që sipas tij, përfaqëson i interesave të qytetarëve, dhe si i tillë figura e tij duhet respektuar.
“Thaçi më nuk është përfaqësues i PDK-së, dhe i asnjë partie politike, por përfaqëson gjithë interesin e qytetarëve dhe besoj që ne realisht kena vepruar mirë dhe gjesti simbolik që unë kam vepruar është vetëm në respektimin e institucioneve të vendit, këtë rast presidencës”, ka deklaruar Lushtaku për Front Online.
Krahas kësaj, Lushtaku ka theksuar se vendosja e fotorgrafisë ishte mesazh për kryeparlamentarën, Vjosa Osmani, e cila sipas tij ka vepruar gabim.
“Prandaj vlerësoj se Vjosa Osmani ka gabuar me zhvendosjen e fotografisë , pasi që një gjë e tillë është e rregulluar me ligj dhe në mënyrë simbolike e kam shpreh kundërshtimin tim”, ka përfunduar për “Front Online” Lushtaku./Front Online/
