Dy shtetas rus janë prangosur në kufirin mes Kosovës dhe Serbisë.
Policia e Kosovës njofton se dje në fshatin Sarpelj të Leposaviqit janë prangosur dy shtetas rusë, një femër dhe një mashkull.
Të njëjtit dyshohet se me veturën e tyre me targa të Malit të Zi e kanë kaluar ilegalisht kufirin Serbi- Kosovë.
Me vendim të prokurorit dy të dyshuarit janë dërguar në mbajtje ndërsa vetura u është konfiskuar.
“Janë prangosur dy shtetas rus, një femër dhe një mashkull, nën dyshimin se të njëjtit me veturën e tyre me targa të Malit të Zi e kanë kaluar ilegalisht kufirin Serbi- Kosovë. Me vendim të prokurorit dy të dyshuarit janë dërguar në mbajtje ndërsa vetura u është konfiskuar”, thuhet në njoftim.
