Kreu i Vetëvendosjes Albin Kurti përmes një video të publikuar sot ka bërë të ditur emrat e propozuar nga ky subjekt politik për ministra dhe zëvendëskryeministrin e dytë.
Në listën e pesë emrave të propozuar bie në sy mungesa e themeluesve të LVV-së, shkruan “FrontOnline”.
Ndër themeluesit e kësaj lëvizje janë Liburn Aliu, Xhelal Sveçla dhe Salih Zyba. Emra këta që nuk janë përfshirë në listën e Albin Kurtit për ekzekutiv.
Ndërsa ata që i ka propozuar janë Haki Abazi për zëvendëskryeministër të dytë, i cili ka aderuar në zgjedhjet e 6 tetorit në këtë parti.
Blerim Reka është propozuar për Ministër të Punëve të Jashtme, e që vetëm në zgjedhjet e fundit ai është shprehur publikisht që përkrah këtë subjekt politik. Kurti ka lën jashtë listës emrat e themeuesve të LVV-së të cilët janë lakuar gjatë këtyre ditëve si emra të mundshëm për tu emëruar ministra.
Arben Vitia ndërkaq është propozuar si Ministër i Shëndetësisë dhe Sportit, Ministër të Financave dhe Transfereve, Kurti ka propozuar Besnik Bislimin, për ministre të drejtësisë, ai ka zgjedhur Albulena Haxhiun si dhe Rozeta Hajdarin për Ministre të Tregtisë dhe Industrisë, figurë e panjohur deri më tani në publik.
Albin Kurti pritet që sot në ora 15:00 të takohet me presidentint e Kosovës Hashim Thaçin për të marrë mandatarin për formimin e Qeverisë./FrontOnline/
