Prokuroria Themelore e Pejës ka ngritur aktakuzë kundër dy personave për shkak të sulmit ndaj dy policëve.
P.GJ. dhe L.GJ akuzohen se më 12 tetor, rreth orës 08:20, në fshatin Gllarevë të Klinës, kanë kanosur dhe sulmuar fizikisht dy policër, N.G. dhe H.B., shkruan Gazeta Sinjali.
“Derisa zyrtarët policor ishin nisur drejt vendit të ngjarjes në fshatin e lartcekur, ku kishte ndodhur një aksident trafiku dhe ishin krijuar kolona të gjata të automjeteve, të njëjtit vërejnë një veturë e cila ishte duke tejkaluar në vijën e plotë, të cilën e ngiste i pandehuri L.GJ, e si pasagjerë ishte i pandehuri tjetër P.GJ, ku pasi ndalohen nga zyrtarët policor dhe ju merren dokumentet për shqiptimin e gjobës, dy të pandehurit dalin nga vetura dhe fillojnë t’i sulmojnë fizikisht zyrtarët policor, duke ju shkaktuar të dëmtuarve lëndime të lehta trupore”, thuhet në komunikatën e Prokurorisë.
Prokurori i çështjes me rastin e ngritjes së aktakuzës, i ka propozuar Gjykatës që të pandehurit të shpallen fajtorë dhe të dënohen sipas ligjit.
