Kandidatja për deputete nga radhët e Lëvizjes Vetëvendosje Albulena Haxhiu ka reaguar në lidhje me rinumërimin e votave të kërkuar nga PDK, LDK dhe NISMA.
Haxhiu ka qetësuar të gjithë aktivistët dhe simpatizantët e kësaj partie se asnjë vote e VV-së nuk mund të manipulohet edhe nëse shkohet në rinumërim.
Padyshim subjekt që nuk kanë marrë mbështetjen nga qytetarët tentojnë të gjejnë shpëtim nga rinumrimi shkruan Haxhiu në rrjetin social Facebook.
Postimi i plotë:
Që nga mëngjesi, kam pasur shumë mesazhe dhe telefonata nga qytetarë, miq e familjarë. Janë të shqetësuar lidhur me ndonjë tendencë për manipulim votash pas kërkesës për rinumrim.
Qëndroni të qetë, mos u shqetësoni. Ne kemi personat përgjegjës që janë gardianët e vullnetit të qytetarëve. Padyshim subjekt që nuk kanë marrë mbështetjen nga qytetarët tentojnë të gjejnë shpëtim nga rinumrimi.
Qytetarët kanë folur me 6 tetor.
Vullneti i tyre do të jetësohet.
