Një i ri shqiptar me origjinë nga Kosova është viktima e radhës në valën e goditjeve me thikë që ka pllakosur Anglinë këto 18 muajt e fundit.
Elton Gashaj u godit për vdekje me thikë në zonën Salt Hill Park, Slough, Berkshire.
Sipas policisë kjo ngjarje e rëndë ndodhi pas një përplasje mes dy grupeve të përbërë nga të rinjtë nga ku humbi jetën 15-vjeçari.
Vera Gashaj, nëna e të ndjerit, deklaroi se ajo e kishte paralajmëruar policinë se djali në të shkuar kishte qenë subjekt sulmesh, pasi ai kishte ndërtuar një shoqëri të papërshtatshme.
Dy djem të moshës 15-vjeç dhe një tjetër i moshës 17 janë ndaluar nga policia, si të dyshuar për vrasje./tch
